Who is Nepali Singer Nitu paudel?

 यो देशमा कहिलेकाहीँ कलाकारका गीत सुन्नेहरू धेरै हुन्छन्... तर तिनीहरूको पीडा सुन्ने कोही हुँदैन। आजको यो भिडियो, एक गायिकाको जीवन र मृत्युबीचको संघर्षबारे हो... गायिका नितु पौडेल।  शनिबार दिउँसो - काठमाडौंको अनामनगर। त्यहीँ, गायक तथा संगीतकार धनबहादुर गिरी (बाबुल गिरी) को स्टुडियो  याम तिलक स्टुडियो अगाडि, एक डरलाग्दो दृश्य देखियो। गायिका नितु पौडेलले आफ्नै शरीरमा आगो लगाइन्। त्यो क्षण... बाटोमा हिँड्नेहरूले चिच्याउन थाले, वरिपरि धुँवा फैलियो, र केही मिनेटमै प्रहरीले उनलाई उद्धार गर्‍यो। घटनामा गिरी पनि घाइते भएका थिए। उनको हात खुट्टामा सामान्य जलेको थियो। अनुसन्धान अधिकृतहरूले गिरीसँग घटना र कारणबारे सोधपुछ गरिरहेका छन्। सांगीतिक क्षेत्रमा नितु र धनबहादुर गिरी (बाबुल गिरी) निकट मानिन्थे। नितुको अहिले कीर्तिपुरस्थित बर्न अस्पतालमा उपचार भइरहेको छ। सांगीतिक क्षेत्रकै केही श्रोतले बताए अनुसार विवाहित नितु पौडेल र गिरी निकट सम्बन्धमा थिए। उनीहरू बीच सम्बन्धमा दरार उत्पन्न हुँदा गायिकाले आत्मदाह प्रयास गरेको हुन सक्ने अनुमान गरिएको छ। प्रहरीले तत्कालै नितुलाई उद्धार गरेर किर्तिपुर बर्न अस्पताल पुर्‍यायो। त्यहाँ चिकित्सकहरूले प्राथमिक उपचार गरे र अहिले उनको अवस्था सामान्य रहेको बताइएको छ। जिल्ला प्रहरी परिसरका प्रवक्ता एसपी पवन भट्टराईका अनुसार, घटनाको कारण खोजी भइरहेको छ र यदि कसैको संलग्नता भेटिएमा कानूनी कारबाही गरिनेछ। तर नितुको यो निर्णय कुनै क्षणिक आवेग थिएन... किनभने आत्मदाह प्रयास गर्नु अघि उनले फेसबुकमा एउटा भावुक सन्देश लेखेकी थिइन्।

उनले लेखेकी थिइन् – आज मैले जीवनको सबैभन्दा ठूलो निर्णय लिंदैछु अब। 

यो वाक्य…

शब्दभन्दा ठूलो चिच्याहट थियो - एउटा अन्तिम सन्देश, जसले नेपाली संगीत क्षेत्रमा सबैलाई स्तब्ध बनायो।

त्यसपछि, प्रश्न उठ्न थाले - के यो व्यक्तिगत विवाद थियो? के सम्बन्धमा कुनै तनाव थियो? 

प्रहरीले धनबहादुर गिरी (बाबुल गिरी) लाई सोधपुछका लागि नियन्त्रणमा लिएको छ। भट्टराईका अनुसार, उनी अहिले पनि जिल्ला प्रहरी परिसर भद्रकालीमा नै छन्।

घटनाको समयमा, धनबहादुर गिरी (बाबुल गिरी) पनि सामान्य घाइते भएका थिए र अस्पतालले उनलाई उही दिन डिस्चार्ज गरेको थियो। 

हाल प्रहरीले अनुसन्धान अगाडि बढाइरहेको छ। तर सामाजिक सञ्जालमा मानिसहरू अनेक प्रश्न सोध्दैछन् 

- नितु र बाबुलबीच के सम्बन्ध थियो? 

- के यो व्यक्तिगत मतभेदको परिणाम हो?

- कि यस पछाडि अझ ठूलो मानसिक पीडा छ?

कलाकारहरू मुस्कानमा बाँच्छन्, तर कहिलेकाहीँ उनीहरू भित्रभित्रै टुटिरहेका हुन्छन्। नितु पौडेलले आगो लगाउने निर्णय लिँदा, शायद उनी कसैसँग कुरा गर्न चाहन्थिन्, तर कोही सुन्ने थिएन।

प्रहरीका अनुसार - यो केवल आत्मदाह प्रयास मात्र होइन, यदि कसैको उक्साहट वा दबाब प्रमाणित भयो भने “Attempt to murder” वा “Abetment to suicide” अन्तर्गत मुद्दा चल्न सक्छ। 

रसुवाकी चेली उदयमान गायिका नितु पौडेलको बारेमा केही जानकारी यहाँ नेर शेयर गर्दै छौं । आउनुहोस भिडियो शुरु गरौं । नितुले आफनो एसएलसी उर्तिण गरे लगत नै यस संगीत क्षेत्रमा प्रवेश गरेकी थिइन । संगीत क्षेत्रमा प्रवेश अगाडि मिडिया क्षेत्रमा आउनका लागि आरजे सिक्नका लागि कलंकीमा पुरुषेत्तम चापागाईको एम मिडियामा पुगिन नितु । तर केही समय पछि त्यहाँ भएको पत्रकार सम्मेलनमा उनले कुनै एउटा गित गाउँदा प्रतिक्रियामा उनको स्वर राम्रो छ तयसकारण आरजे सँगै गित संगीतमा पनि तैयारी गर्दै जाने सल्लाह पाएपछि उनी संगीत क्षेत्र तर्फ मोडिएकी हुन । नेपाल आइडलमा पनि प्रतिस्पर्धीमा भाग लिएकी थिइन नितुले । केही समय अगाडि यस बाहेक आखैमा पियार मनमा तिर्सना बोलको गीतमा पनि बबुल गिरीको शब्द तथा संगीत रहेको थियो जसमा  नीतुलाई गायक सम्राट चौलागाईंले साथ दिएका थियो । साथै हास्य कलाकार किरण केसीको आवाजमा नयाँ गीत “उसको नजरमा के” सार्वजनिक भएको थियो । कवि गोपालचन्द्र रावतको शब्द रहेको गीतमा बाबुल गिरीको सङ्गीत थियो । गीतमा नितु पौडेल, बाबुल गिरी को संयुक्त आवाज थियो । त्यतिबेला पनि लागेको थियो सब ठिक छ भनेर तर एक्कासी यस्तो खबरले आश्चचर्य चकित पा¥यो । गायक बाबुल गिरी र गायिका नितु पौडेलले यसअघि पनि सँगै धेरै गीतमा सहकार्य गरेका छन् । नितुको आवाज रहेको ‘सत्य राम कसम’ मा बाबुलले शब्द, संगीत र एरेन्ज गरेका थिए । यस्तै  ‘सिट्ठी मारेर’, ‘उसको नजरमा के’ जस्ता गीतमा पनि उनीहरुले सहकार्य गरेका थिए । बाबुल गिरीका ‘ब्रेकअप सङ’, ‘घामै राजा’, ‘सुतेर उठेको पैसामा’ लगायतका गीतहरूले नेपाली संगीत बजारमा निकै लोकप्रियता हासिल गरेका छन् ।

- यस बाहेक दुबैको कोलाबरेशनमा बाबुल गिरिको शब्द, सङ्गीत, एरेन्ज र नितु पौडेलको आवाजमा तिज विशेष गित ‘हाय हाय शिव हाय हाय’ ।

- चलचित्र ‘तिम्रो हुने कहिले’ को शीर्ष गीत मा चोखो मायालाई गहिरो तरिकाले उजागर गर्न खोजिएको यस गीतमा नितु पौडेल र रमिला बानले कोरस स्वर भरेका थिए। 

- पिरतीले सल्काइदेउ’ गीतमा लोक राईको शब्द रहेको थियो भने बाबुल गिरीको संगीत र एरेन्ज रहेको थियो । 

कला, संगीत र प्रेमको संसार भित्र कहिलेकाहीँ यस्ता चुपचाप नाटकहरू चलिरहेका हुन्छन्, जसको अन्त्य आगोमा हुन्छ… आँसुले निभाउने त्यो आगोले। हामी आशा गर्छौं - नितु पौडेल छिट्टै निको होऊन्, र पुनः संगीतमा फर्कून्। मित्रहरू, यदि तपाईं वा तपाईंको वरिपरि कोही भावनात्मक रूपमा संघर्ष गरिरहनुभएको छ भने, कृपया सहयोग खोज्नुस्। आत्मदाह समाधान होइन।